فى الواقع انا مش عارف انا اخترت الاسم ده للمدونة ليه ؟ اصل اسم وطنى مصر ده ممكن يتفهم باكتر من معنى …. مثلا ممكن حد يفهم الاسم ده على انه اسم للحزب الوطنى الديموقراطي بس فى الحقيقة ده مش اسم الحزب – على الرغم من انى عضو فى الحزب ده – بس لسه مطلعتش الكارنية بس يا جماعة المدونة دى انا ان شاء الله حظبطها عشان تبقى محترمة و خدوا بالكوا من محترمة دى لانى بجد مش ححاول اهاجم حد من خلال المدونة بتاعتى لانى مينفعش اهاجم حد من غير دليل و حتى لو عندى دليل انا حانشرة بس من غير ما اهاجم حد ” لا حكومة ولا معارضة ولا اخوان ” انا من نوع اللى ماشي بنظام ” مالكش دعوة بحد و صباح الخير يا جارى انت فى حالك و انا فى حالى ” و يـــــــــــــــــــــــــــا رب اقدر اوفى حاجة للوطن الجميل ده من خلال المدونة …
